طبعا بعد التدبيسه اللى محمد دبسهالى انى اكتب ايه اللى حصل فى الاستاد
وبما ان الصور والفيديوهات لسه موصلتش فاعذرونى انى مش هاغطى ماتش
اسيك بس هاتكلم على حاجه اجمد
هاتكلم عن ظاهره اتكلم فيها ناس كتير هاتكلم عن اعظم رابطه فى مصر هاتكلم عن رابطه النادى الاهلى
انا مش هاقعد اقول الكلام اللى الناس كلها بتقوله انا هاتكلم عن احساسى واللى انا شفته من الرابطه
انا روحت ماتشات كتير قبل ما رابطه الاهلى تنشأ مكنتش بستمتع بالماتش ابدا اه كان فيه تشجيع بس الدنيا
مكنتش منظمه يعنى كل واحد بيشجع بمزاجه وبيقول اللى عايز يقوله
ولما ظهرت الرابطه وروحت اول ماتش ليه والرابطه موجوده حسيت احساس تانى
التشجيع بقى شكله تانى مبقناش بنسمع الالفاظ الخارجه
بقينا نسمع تشجيع منظم وهادف بقينا نشوف جماهير بتقف جنب فرقتها مهما حصل
فريق لما يدخل فى فريقه جون ميسكتش ويزعل لا يقول " العب يا اهلاوى الكوره فى الملعب" بقينا نشوف جماهير
بتحب لعيبتها وناديها لاقصى درجه
بجد الماتشات بقى ليها طعم تانى بقيت بعشق اروح الاستاد عشان اتفرج عليهم واسمع تشجيعاتهم
كل لعيب ليه تشجيع وليه هتاف يعنى لما اللعيبه تنزل تسخن كل لعيب ليه هتاف يندهولوا بيه ويجى يرد التحيه
ده غير الهتافات الجميله اللى بيشجعوا بيها الفرقه
بجد رابطه رائعه ومنظمه وعندها هدف وعلمتنا التشجيع المثالى
وبجد احلى جمله تتقال عليهم
مع رابطه النادى الاهلى ........ مش هتقدر تبطل تشجيع
DoDy
3 comments:
بجد عندك حق يا رضوى فعلا الجماهير باين انها اتغيرت وبقى شكلها جميل وبتتدى دفعه جميله للاعيبه وهى نازله الملعب
الاجمال بقى ان الملعب ممكن تروحه اسره بأكملها ودى خطوه مهمه ويبقى الكوره ليها شكل زى ما بنشوفها فى الدورى الانجليزى والاوروبي بشكل عام
* وعد العيون
ايييون صح يا باشا مشهد انك تلاقى عائلات فى الاستاد بقى موجود جدااااااا وده كله من اننا حصلتنا ثقافه جديده ووعى جديد
وبالتوفق يا اهلى ويا احلى رابطه
حلو اوى بتتكلموا عن الجماهير و التشجيع
و ناسيين النادى نفسه
محدش علق على ماتش الاهلى و المقاولون
و محدش علق على مستوى الاهلى اللى فى النازل
Post a Comment