النشيد الدولى للنادى الاهلى

النشيد الوطنى للنادى الاهلى

أتفرجوا عليه جاااااااااااااااامد جدااااااااا

الاهلى هو الاهلى

الاهلى هو الاهلى

البطل هو البطل

هذا ما تعودنا عليه على مدار معايشتنا لبطولات واخفاقات هذا النادى

ولعل لو رجعنا بالذاكره لخمس سنين لوجدنا الاهلى كان سيئا للغايه بعدها بسنتين كان فى اليابان

وحصل على البطوله سنتين متتاليين وتأهل للنهائى للمره الثالثه على التوالى

عادى جدا

عادى جدا لو خسرنا بطوله طبعا لازم نزعل شويه بس مش حنتهد

رب ضاره نافعه

مين عارف ممكن تكون نقطه انطلاقه لعهد جديد

الصراحه مباراه النهارده كانت تجيب مغص وده حصل فعلا مش عارف من كتر شده الاعصاب

وكأن اللى عملناه فى الناس السنه اللى فاتت طلع علينا

وبجد فى لاعب فى النجم الساحلى الشرميطى أول لاعب مهاجم يفكرنى بخالد بيبو

سريع جدا جدا بجد تعب المدافعين

على أى حال المركز التانى مش أخفاق احنا كنا متوقعين خروج الاهلى من الدور التمانيه

بس احنا متعودتناش على الهزيمه فى النهائيات

حتكون نقطه تحول انشاء الله

واللى مالوش لازمه فى الفريق يروح والكويس يفضل

يحصل حركه تصفيه للفريق

رغم الاسى رغم الدموع طالب من الليل الغمى لحظه شروق

تعادل الاهلى والاسماعيلى فى مباراه قويه

تعادل الأهلي مع الإسماعيلي 1 / 1 في إطار مباريات الأسبوع التاسع لبطولة الدوري .. تقدم الأهلي عن طريق حسام عاشور في الدقيقة 21 من زمن الشوط الأول و تعادل محمد حمص للإسماعيلي في الدقيقة الأخيره من نفس الشوط و جاءت المباراة تجربه قويه للأهلي قبل اللعب مع النجم الساحلي يوم 9 نوفمبر في نهائي دوري أبطال أفريقيا
تشكيل الأهلي
بدأ الأهلي مباراة الإسماعيلي بتشكيل يضم عصام الحضري و شادي محمد و رامي عادل و وائل جمعه و أحمد شديد و احمد عادل و أنيس بو جلبان و حسام عاشور و بركات و ابو تريكة و متعب .. و في الشوط الثاني لعب فلافيو بدلا من احمد عادل و حسن مصطفي بدلا من عماد متعب و أحمد صديق بدلا من محمد أبو تريكه

الشوط الأول

بدأ الشوط الأول من المباراة بمحاولة من الإسماعيلي للوصول إلى مرمي عصام الحضري و في الدقيقة الرابعة يقطع وائل جمعه كره بمهاره من أمام مصطفي كريم .. و يتحرك محمد بركات في وسط ملعب الأهلي و يمرر الكره إلى أحمد شديد الذي يلعب عرضية أرضية يشتتها دفاع الإسماعيلي
و في الدقيقة 9 يسدد حسام عاشور في يد محمد فتحي و في الدقيقة 11 يبعد الحضري تسديدة سيد معوض إلى ضربة ركنيه .. و يستمر اللعب دون خطورة علي مرمي الفريقين .. و في الدقيقة 19 يحصل متعب علي ضربة حره يسددها رامي عادل بعيدا عن المرمي
و في الدقيقة 21 يسجل الأهلي هدفه الأول عن طريق حسام عاشور الذي يستلم تمريرة أبو تريكه و يراوغ محمد فتحي و يضعها الكرة بإتقان في المرمي ليعلن عن تقدم الأهلي بهدف .. و في الدقيقة 24 يسدد مصطفي كريم كره قويه تمر بجوار القائم و يحاول الإسماعيلي التعويض و يخرج بركات من الملعب للعلاج و يعود
و في الدقيقة 28 يحتسب الحكم حمدي شعبان ضربه حره مباشرة يسددها حسني عبد ربه تصطدم بالعارضه و تعود إلى لاعب الإسماعيلي الذي يسدد بعيدا عن المرمي .. و في الدقيقة 35 من ركنيه لصالح الإسماعيلي تنتهي دون خطوره علي مرمي الأهلي ..و في الدقيقة 35 ضربة ركنيه لصالح الإسماعيلي تنتهي دون خطوره علي مرمي الأهلي
و في الدقيقة 39 تسلل واضح علي سيد معوض قبل أن يضع الكرة في المرمي .. و يبعد الحضري تسديدة مصطفي كريم إلى ضربه ركنيه .. و في الدقيقة 45 يسجل محمد حمص هدف التعادل للإسماعيلي من ضربة رأس من عرضية عمر جمال
الشوط الثاني

بدأ الشوط الثاني بهدوء عكس الشوط الأول و في الدقيقة 8 يسدد أحمد شديد كره قويه يمسكها محمد فتحي .. و تشتعل المباراة هجمه هنا و أخري هناك و في يتصدى القائم لرأسية فلافيو من تمريرة عماد متعب المتقنة .. و في الدقيقة 16 ضربة ركنيه لصالح الإسماعيلي تلعب و يبعدها رامي عادل و يسدد محمد حمص كرة قويه يبعدها الحضري إلى ضربه ركنيه
و في الدقيقة 18 تسديده من فلافيو بعيدا عن المرمي .. و يتوقف اللعب لانقطاع الكهرباء من أحد الأبراج و يستمر التوقف لفترة وصلت إلى 14 دقيقة ثم تستأنف المباراة مره أخري و يحصل فلافيو علي ضربة حره يلعبها وائل جمعه طوليه يبعدها دفاع الإسماعيلي و إنذار لأحمد شديد قناوى و ضربه حرة لصالح الإسماعيلي يبعدها رامي عادل .. و في الدقيقة 38 إنذار للاعب عمر جمال .. و يخرج عماد متعب و يلعب بدلا منه حسن مصطفي و في الدقيقة 41 عرضيه من احمد شديد يقابلها بركات بتسديدة قويه تصطدم بأقدام المدافعين .. و يستحوذ الأهلي علي الكرة بتمريرات وسط الملعب .. و يخرج محمد فضل من الإسماعيلي و يلعب بدلا منه اتندا النيجيري و في الدقيقة الخامسه من الوقت بدل الضائع ضربه حرة لصالح الإسماعيلي يبعدها رامي عادل إلى ضربة ركنيه و يسقط أبوتريكه أثر كرة مشتركه مع حسني عبد ربه .. و يفضل الجهاز الفني خروجه و يلعب بدلا منه أحمد صديق و يحافظ الأهلي علي الكرة بتمريرات في وسط الملعب .. و ينحصر اللعب لفتره في وسط الملعب حتى يطلق الحكم حمدي شعبان صافرة نهاية المباراة بالتعادل الإيجابي 1 / 1

التعادل بطعم الهزيمه والفوز

التعادل بطعم الهزيمه وبطعم الفوز

الهزيمه لان الاهلى كان بسهوله يخلص الماتش أكتر من 2 -0 بس جوزيه ما كنش طماع وده غلط الاهلى بسهوله يكسب

الفوز لأنه عمليا الاهلى خلص نص الشوط الصعب بنتيجه مش وحشه

عموما الشوط التانى كمان اسبوعين يارب الاهلى يعمل فيه اللى مطلوب منه ويخلص من اول الماتش والله فريق النجم الساحلى سهل مش صعب خااااااااالص

أما عن تصريحات المدرب المغرور للنجم كان ممكن ياخد صدمه عمره ةالاهلى يكسبه على ارضه

انشاء الله يرجع كمان اسبوعين وفى دماغه كويس يعنى ايه الاهلى

الجماهير دى مافيش منها اتنين فى العالم

فعلا جماهير وفيه بتقف مع فريقها فى كل وقت وكل مكان كذا رابطه مشجعين

جديد وقديم ...كله عشان الفريق ده يكسب ويأخد بطولات

لاعمرها قلت ادابها على لاعب ولا عمرها شتمت لاعيب من لاعيبتها

النادى كبير من أول مجلسه الفنى حتى جماهيره اللى فيهم ناس ممكن يكونوا عمرهم ما ممروا من قدام النادى

الاهلى أهلى وروح الفنله تطفوا على روح كل أهلاوى

يعنى لما حد يسالنى انت ايه أقوله

مصرى أهلاوى

ولو سالتك انت ايه تقولى اهلى وابويا أهلى بسمارى ولونى اهلى

قوم يا مصرى الاهلى ديما بيناديك

قوم يا مصرى الأهلى تشجيعه واجب عليك

الاهلى فى نهائى افريقيا للمره الثالثه على التوالى

حقق الأهلى إنجازاً كبيراً بتأهله للمباراة النهائية لبطولة أفريقيا بعد فوزه المستحق على الاتحاد الليبى بهدف نظيف أحرزه أسامة الحمادى لاعب الاتحاد فى مرماه بطريق الخطأ فى الشوط الأول

جاءت المباراة تكتيكية فى المقام الأول أدارها جوزيه بكفاءة كبيرة ونجح فى تحقيق هدفه الذى خطط له منذ البداية بالتأهل إلى المباراة النهائية ومواجهة فريق النجم الساحلي التونسى الذى تأهل للمباراة بعد فوزه أمس على الهلال السودانى 3/1/ فى تكرار لمباراة نهائى أفريقيا عام 2005

قدم الأهلى مباراة جيدة المستوى ونجح لاعبوه فى تنفيذ تعليمات الجهاز الفنى بإغلاق مفاتيح لعب الاتحاد الليبى وتألق عماد متعب وفلافيو بصفة خاصة رغم إضاعتهما للعديد من الفرص السهلة التى لاحت لهما على مدار شوطى المباراة والتى كانت كفيلة بفوز الأهلى بأكثر من أربعة أهداف على أقل تقدير .. فى حين لم تلوح أى فرصة حقيقية لفريق

الاتحاد الليبى ولم يهدد مرمى عصام الحضرى خلال المباراة

# تشكيل الأهلى

لعب الأهلى بتشكيل مكون من عصام الحضرى فى حراسة المرمى وأمامه الثلاثى عماد النحاس وأحمد السيد وشادى محمد فى الدفاع وجيلبرتو فى اليسار ومحمد بركات فى اليمين وحسام عاشور وأنيس بوجلبان ومحمد أبو تريكة فى الوسط وعماد متعب وفلافيو فى الهجوم .. ولعب كل من وائل جمعه وحسن مصطفى ورضا الويشى فى الشوط الثانى بدلاً من محمد أبو تريكة ومحمد بركات وعماد متعب

الشوط الأول

كاد الأنجولى فلافيو أن يخطف هدف الفوز لفريقه على إثر خطأ سمير عبود حارس مرمى الاتحاد الليبى الذى أخطأ من تمرير الكرة ولكن فلافيو تباطأ فى تسديد الكرة لتضيع فرصة حقيقية لصالح الأهلى فى الدقيقة الثانية من المباراة بعدها سيطر الأهلى على مجريات الأمور تماماً وحاصر الاتحاد فى نصف ملعبه عن طريق محمد أبو تريكة وفلافيو وعماد متعب ومحمد بركات
نوع الأهلى من هجماته عن طريق اليمين واليسار ومن إنطلاقة لجيلبرتو من ناحية اليسار أرسل كرة عرضية لعبها فلافيو برأسه قوية بجوار القائم


وفى الدقيقة 20 أخطأ أسامة الحمادى مدافع الاتحاد الليبى وأحرز هدفاً فى مرماه من كرة عرضية لجيلبرتو ليتقدم الأهلى بالهدف الأول .. وساهم الهدف فى إحكام الأهلى سيطرته على الملعب وتنوعت هجماته عن طريق الأجناب فى نفس الوقت لعب الاتحاد الليبى بتنظيم دفاعى حال دون إتمام الهجمات .. ويحصل وليد الخطروشى على الإنذار الأول للخشونة مع حسام عاشور يتبعه زميله محمود مخلوف بالحصول على كارت أصفر للتداخل القوى مع محمد بركات

قام لاعبو الأهلى بتهدئة اللعب بناءاً على تعليمات الجهاز الفنى والاحتفاظ بالكرة لأطول فترة ممكنة .. ومن هجمة رائعة انطلق عماد متعب وراوغ أكثر من لاعب داخل منطقة المرمى وتصل الكرة إلى فلافيو الذى يسدد ينقذها سمير عبود بصعوبة شديدة بعدها تلوح فرصة أخرى لفلافيو لكنه يلعب الكرة برأسه فوق المرمى .. ويحصل محمد بركات على الإنذار الأول نتيجة لتداخله مع عرفه الناكوع لاعب الاتحاد الليبى
يواصل عماد متعب تألقه وينطلق بالكرة ويتوغل داخل منطقة المرمى ويسدد بجوار القائم الأيسر لسمير عبود .. وعلى الجانب الآخر لم يظهر مهاجما فريق الاتحاد كمارا وسالم الروانى إلا على فترات ولم تلوح لهما أى فرصة خطيرة

ومن هجمة خطيرة كاد الأهلى أن يضيف هدفه الثانى عن طريق محمد بركات ولكن سمير عبود يمسك بالكرة بعدها يطلق أليكس كوتى حكم المباراة صفارته معلناً انتهاء الشوط الأول بتقدم الأهلى 1 / صفر


الشوط الثانى

جاءت بداية الشوط الثانى حذرة من جانب الفريقين .. الأهلى يرغب فى الحفاظ على هدفه وإحراز أهداف أخرى والاتحاد يسعى للتعويض وعدم دخول أهداف جديدة
ضغط الأهلى منذ البداية ولعب متعب كرة برأسه من ضربة حرة مباشرة لمحمد أبو تريكة .. ويتألق فلافيو ويخطف الأضواء بتسديدة رائعة على حدود منطقة المرمى تمر الكرة بجوار القائم

فى الدقيقة 57 كاد فلافيو يخطف الهدف الثانى لفريقه من تمريرة عرضية لجيلبرتو ولكن فلافيو يسدد بجوار القائم الأيسر لسمير عبود .. ويجرى الاتحاد الليبى تغييره الأول بنزول مفتاح غزالة بدلاً من سمير عبود الذى خرج للإصابة .. ويسدد سالم الروانى كرة قوية من ضربة حرة مباشرة على حدود منطقة المرمى تخرج بجوار القائم
يضغط الأهلى بشدة على الاتحاد الليبى فى نصف ملعبه من أجل إضافة الهدف الثانى ويحصل عرفه الناكوع على كارت أصفر للخشونة مع عماد متعب على حدود منطقة المرمى .. ويجرى الاتحاد الليبى تغييره الثانى بنزول علي رحومة بدلاً من وليد الخطروشى .. ويدفع الجهاز الفنى للاتحاد بكوليبالى بدلاً من هشام شعبان فى محاولة لتنشيط الهجوم .. ويرد عليه الجهاز الفنى للأهلى بالدفع بوائل جمعه بدلاً من محمد أبو تريكة
يضغط الأهلى على الاتحاد فى نفس الوقت يؤمن دفاعاته جيداً .. ويسدد كوليبالى كرة قوية تصطدم فى وائل جمعه وتخرج بجوار القائم
يطبق لاعبو الأهلى الهجمة المرتدة وينطلق محمد بركات من ناحية اليمين ويتعرض للعرقلة ويقوم الغانى أليكس كوتى حكم المباراة بطرد كوليبالى بعد اعتدائه بالضرب على أحمد السيد وذلك فى الدقيقة 41 .. ويجرى الأهلى تغييره الثانى بنزول حسن مصطفى بدلاً من محمد بركات
ينشط الاتحاد الليبى فى الدقائق الأخيرة من المباراة ويدفع الجهاز الفنى للأهلى برضا الويشى بدلاً من عماد متعب فى الدقيقة الرابعة من الوقت بدل الضائع بعدها يطلق الغانى أليكس كوتى حكم المباراة صفارته بانتهاء المباراة بفوز الأهلى 1/0 وتأهله للمباراة النهائية لبطولة أفريقيا

مبرووووووووووووووووووووووووووووك يا اهلاويه ويارب دايما فى تقدم وان شاء الله نبارك قريب جدااااااااااا على النهائى

يالا يالا يا تريكة .............. هو فلافيو كل فول ولا أية؟..

يالا يالا يا تريكة

هذه كانت الهتافات و الصراخ الذى كان يتصاعد من عند الجماهير الاهلاوية الى ساكنة جامبيا خلال مشاهدتها لمبارة الهنود الحمر(نقول الهنود الزرق لانهم كانو لابسين ازرق)مع الاتحاد الليبي فى مباراة الاياب للدور النصف النهائب لدورى رابطة ابطال افريقيا
بدا الهنود الزرق المبارة بنفس تشكيله اللاعيبة فى مباراة الزمالك مع اختلاف نزول احمد عادل بدلا من حسن مصطفى فى الجانب الايمن
حيث صاحت و ازدادت صياح الناس الى جمبينا فى الدقيقة 37 من الشوط الاول عندما مر ابوتريكة من وسط لاعبى الاتحاد ويتبادل الكرة مع فلافيو من لمسة واحدة ويسدد كرة قوية بيسراه ويتصدى لها الحارس
كانت المبارة فى الشوط الاول جيدة للغاية بالنسبة لاداء الاهلى فى المباراة حيث ظهرت سيطرتهم على مجريات المباراة وتقارب بين خطوط الاهلى بصورة جيدة جد
و لم تكن هناك اى هجمات خطرة من جانب الاتحاد الليبي الا فى الدقيقة7 عندما انفرد مهاجم ليبى بالكرة و استغل خروج الحضرى عن مرماه وسددها فوق الحضري و لكن انقذها احمد السيد
و انتهى الشوط الاول بالتعادل السلب لكل من الفريقين
بداية الشوط الثانى نزل الاهلى بنفس التشكيلة ولم يحدث اى تغيير وكذلك الاتحاد الليبي
و بدا خط وسط النادى الاهلى بسيطرة كاملة بعد خروج حسام عاشور والذى كان اداءة رائع ع غير العادة و الدفع بوائل جمعة
و فى الدقيقة 70 كان الهنود الزرق يبحثون عن فرصة لاى هدف عندمامرر ابوتريكة كرة امامية لفلافيو وحصل عليها قبل مدافعى الاتحاد وحارس مرمى ويلعبها لكنها تعلو عارضة الحارس بعد اصطدامها بمدافع الاتحاد
وفى الدقيقة 79 يلعب حسن مصطفى كرة يدخل معاها بركات ولكن الحارس يخطئ فى تقديرها لترجع الى فلافيو الذى يسددها ولكن الكرة تصطدم باحد المدافعين لتخرج بجوار القائم
هنا صاحت هتافات و صراخ الناس الى ساكنين جنبنا
هو فلافيو كل فول ولا اية؟
وفى اخر دقيقة يرد الاتحاد بهجمة مرتدة وتحسب له ضربة حرة
ثم بينما كان اللاعيبه يقوما بدورهم فى الضربة الحرة
كان المشجعين الليبين يقوموا بدورهم من خلال القاء الصواريخ النارية فى ارض الملعب
و هنا تنتهى المباراة بالتعادل السلبي لكل من الفريقين
ورأيي ان الاهلى كان مستواه كويس احسن من المباريات السابقة

القمه 100 والزمالكاويه

انتهت القمه رقم 100 بفوز النادى الاهلى بنتيجه واحد-صفر..ليصبح الاهلى ميه ميه ف المئويه ولكن سأعود للوراء قليلا الى ما قبل القمه حيث شكك الكثيرون فى اداء الاهلى واتجه البعض الى سحب الثقه فى لاعبى الفريق....وخرج علينا لاعبى الزمالك القدامى ف البرامج التليفزيونيه بتوقعات ورديه..والدليل برنامج ك\خالد الغندور..حيث توقع محمد صبرى ومدحت عبد الهادى وبكل ثقه فوز الزمالك 2-0 هذا اذا لما يحدث سكور على رأى الكباتن...وصدقونى حينما اقول انهم توقعوها بلهجه ساخره
جمهور الاهلى وقف حائرا بين ثقة الزمالكاويه الزائده وبين خوفهم من اداء الفريق ف الفتره الاخيره...وبدأت المباراه وجاء رد لاعبينا على كل الناس...اهلاويا او زمالكاويا....انتهت المباراه باداء رائع للاهلى واداء جيد للزمالك...بعد المباراه...وهنا وقفه....جاءت التصريحات والاحاديث..وكانت لى هذه الملاحظات
تحدث الكابتن حسام البدرى عن كثير من الامور الفنيه ومنها عدم اشراك اينو خوفا من جماهير الزمالك..وقال حسام البدرى بالنص للمذيع...وزى ما انت شايف جمهور الزمالك بقاله تلت ساعه بيشتم فى اينو زى ما توقعنا قبل المباراه
تحدث كابتن علاء ميهوب عن ثقة الجهاز الفنى ف الفوز واستغرابه من موقف الجمهور الاهلاوى قبل المباراه من حيث تخوفاته وفقدانه الثقه..مع انه الثقه لم تهتز ابدا من داخل الجهاز واللاعبين
تحدث اللواء رؤوف جاسر نائب الزمالك السابق عن المباره قائلا....ح اقول ايه...الجون اوف سايد...مش فاهم انا حكام اجانب ايه دول؟...واخذ يبدى سخطه على امة لا اله الا الله....وهنا تذكرت تصريحات مسؤلى الاهلى والتى دائما ما تتسم بالعقلانيه والجنتله...مسؤول كبير لابد وان يمسك لسانه لانه اذا تبين خطأه وتسرعه..كانت النتيجه سيئه...اوليس هناك نهايه لمسلسل تلك التصريحات منذ قديم الازل؟؟
تحدث جوزيه وكلنا شاهدنا وقرأنا ما قاله....ولكن اريد ان اضيف بعدما رأيت خطته وتكتيكه اثناء المباراه...جوزيه انت صح
اخيرا لم يرفع حسام حسن الحذاء الا وهو ف الزمالك...وفعلها شيكابالا...ولم يفعلها متعب فى مباريات كثيره ومنها مباراة موريتانيا وهو مباراه وطنيه...حيث كان يقف ورائه ف المدرجات حزب يتولى سبه بكل حماسه..وكذلك فى مباريات قمه وف الاسماعيليه...ولم يفعلها الحضرى وكذلك لاعبون كثيرون ف الاهلى
فى النهايه حاولت بقدر الامكان ان اوضح بعض النقاط التى احسست انها لابد ان تناقش....بمقارنه بسيطه وتركت المقارنه الكامله اليكم

الاهلى هو الاهلى

مبروك لأهلى

مبروك للذكاء ..مبروك للخبره .. مبروك لعوده الروح للفريق..مبروك للأخلاق

الحمد لله الاهلى النهارده عوض ماتش المقاولين

لأن التعادل مع المقاولين كان بطعم الهزيمه

الحمد لله الفوز المستوى تحسن جدل عن قبل كده

بان اوى ان جوزيه مدرب الماتشات الكبيره خلى كرول يدور حولين نفسه

الماتش ماتش مدربين ولايقه وخبره وكلها كانت للأهلى

فعلا الأهلى هو فريق القرن بلا منازع

أجمل حاجه ان خالد الغندور فى برنامج الكوره مع الزبالك

كان حيموت من الغيظ عشان الاهلى فاز يخليه فى برنامجه بقى

اخطاء الدفاع فى ماتش المقاولين اتصلحت يارب ما ترجعش فى الماتش اللى جاى

ربنا يستر

مبروك للأهلى وحظ سعيد فى المره القادمه وحاول مره اخرى للزمالك

مع رابطه النادى الاهلى ...... مش هتقدر تبطل تشجيع

طبعا بعد التدبيسه اللى محمد دبسهالى انى اكتب ايه اللى حصل فى الاستاد

وبما ان الصور والفيديوهات لسه موصلتش فاعذرونى انى مش هاغطى ماتش

اسيك بس هاتكلم على حاجه اجمد

هاتكلم عن ظاهره اتكلم فيها ناس كتير هاتكلم عن اعظم رابطه فى مصر هاتكلم عن رابطه النادى الاهلى

انا مش هاقعد اقول الكلام اللى الناس كلها بتقوله انا هاتكلم عن احساسى واللى انا شفته من الرابطه

انا روحت ماتشات كتير قبل ما رابطه الاهلى تنشأ مكنتش بستمتع بالماتش ابدا اه كان فيه تشجيع بس الدنيا

مكنتش منظمه يعنى كل واحد بيشجع بمزاجه وبيقول اللى عايز يقوله

ولما ظهرت الرابطه وروحت اول ماتش ليه والرابطه موجوده حسيت احساس تانى

التشجيع بقى شكله تانى مبقناش بنسمع الالفاظ الخارجه

بقينا نسمع تشجيع منظم وهادف بقينا نشوف جماهير بتقف جنب فرقتها مهما حصل

فريق لما يدخل فى فريقه جون ميسكتش ويزعل لا يقول " العب يا اهلاوى الكوره فى الملعب" بقينا نشوف جماهير

بتحب لعيبتها وناديها لاقصى درجه

بجد الماتشات بقى ليها طعم تانى بقيت بعشق اروح الاستاد عشان اتفرج عليهم واسمع تشجيعاتهم

كل لعيب ليه تشجيع وليه هتاف يعنى لما اللعيبه تنزل تسخن كل لعيب ليه هتاف يندهولوا بيه ويجى يرد التحيه

ده غير الهتافات الجميله اللى بيشجعوا بيها الفرقه

بجد رابطه رائعه ومنظمه وعندها هدف وعلمتنا التشجيع المثالى

وبجد احلى جمله تتقال عليهم

مع رابطه النادى الاهلى ........ مش هتقدر تبطل تشجيع

DoDy

روح جديده

اهلى أهلى هو هو

ألعب يا أهلى ألعب يا أهلى

بالحمد لله نبدأ كلامناعلى الفوز واحتلال المركز الاول بصعوبه

الحمد لله على تعادل الترجى مع الهلال

ماتش انهادره مهم جدا مش بس عشان حصلنا بيه على المركز الاول لأ لأنه بدايه جديده للنادى الاهلى بعد الفتره القصيره من الاخفاقات

وانشاء الله مستوى الاعبين يتحسن تدريجيا

الفوز واحتلال المركز الاول يسهل الحصول على البطوله لتكون المره الثالثه على التوالى انشاء الله

ويحقق الاهلى رقم عالمى لن يصل له فريق أخر فى العالم لا بصعوبه بالغه وهى التأهل لكأس العالم للأنديه المره الثالثه على التوالى

احلم لسه قدامه اربع خطوات يارب نعديهم بسهوله

أنا كنت شبه واثق منفوز الاهلى قبل الماتش لان لاعبى الاهلى مش متعودين على الخروج بسهوله من اى بطوله بيدخلوها

انا لما كنت بتفرج على الماتش أندهشت بمنظر الاستاد كان رائع الجماهير العالميه موجوده وكانت بجد رائعه

يلا يا لاعبى الاهلى الحلم قرب ومش بعيد

شويه رجوله زى النهارده والبطوله حتبقى فى الدولاب

نأسف لعدم ازاعه استديو الاهلويه لان دودى راحت الاستاد تشجع الفريق وانشاء الله حتكتب عن ما رأته وتعمل تغطيه شامله من داخل الاستاد

مر عام عر رحيل محمد عبد الوهاب ولكن ذكراه لاتزال فى قلوبنا

مر عام على رحيل محمد عبد الوهاب ولكن ذكراه لا تزال فى قلوبنا
لازالت دموعنا تنهمر كلما تذكرناه
لازال لساننا يردد الدعاء له بالرحمه والمغفره كلما جاءت سيرته
لازالت قلوبنا تنفطر على فقيد الشباب
محمد عبد الوهاب بالرغم من مشواره القصير فى ملاعب كره القدم الا انه استطاع ان يترك بصمه واضحه فى قلوب كل الاهلاويه وليس الاهلاويه فقط بل كل من عشق هذا اللاعب
وكم كان خبر فراقه لهذه الدنيا لخبر مفجع وقاسى على قلوب كل من احبوه
فقد استطاع هذا الشاب بقربه من المولى عز وجل واخلاقه العاليه ان يجعل كل من يراه يرتاح له ويحبه
كما انه ضرب مثال للاخلاق والانتماء للنادى الاهلى
فقد لفظ انفاسه الاخيره فى الملعب الذى شهد الكثير من صولاته وجولاته
لفظ انفاسه فى النادى الذى عشقه وبذل الكثير من جهده من اجله
رحل وترك لنا وصيه هزت مشاعر الكثير مننا


" لا تبكى يا نفسى على شئ قد ذهب ونفسى التى تملك كل شئ ذاهبه"



رحمك الله يا محمد وجعل قبرك روضه من رياض الجنه
اللهم اغفر له وارحمه واجعل مثواه الجنه
ياريت يا جماعه اللى يقرأ التوبيك يقرأ الفاتحه لمحمد ويدعيله
DOoOdy

استوديو الاهلاويه....... الحلقه التانيه

اهلا بكل الاهلاويه فى حلقه جديده من استوديو الاهلاويه

النهارده هنتناول تحليل ماتش الاهلى وحرس الحدود الذى انتهى بفوز الاهلى 2-1 احرز الاهداف كلا من " محمد بركات -شادى محمد" على الترتيب واحرز لحرس الحدود " وائل رياض" نجم الاهلى السابق

معانا بعد الفاصل الناقد الكروى الكبيييييييير وعد العيون

DOooOdY :فى بدايه الحلقه بنرحب بضيفنا الناقد الرياضى الكبيييير وعد العيون
wa3d_el 3oyoon: أهلا بيك يا دودى
DOooOdY : طبعا فى الاول بنبارك لكل الاهلاويه على الفوز النهارده ونحب نسالك ايه تقييمك لاداء الاهلى النهارده؟
wa3d_el 3oyoon :أحم احم فى البدايه فوز الاهلى النهارده مهم جدا يمكن من أكتر الماتشات للأهلى مهم فيها الفوز طبعا عشان الدفعه المعنويه قبل ماتش اسيك
الأداء فى تحسن لكن مازال ليس هو مستوى الأهلى اللى بيعمل بطولات وأرقام قياسيه

DOooOdY:هل مستوى الاهلى اللى ظهر بيه النهارده يؤهله لتحقيق الفوز فى ماتش اسيك؟
wa3d_el 3oyoon :والله لكل ماتش حاسابات لكن لو مستوى الاهلى ده ومستوى اسيك طبيعى لأ مش ممكن بالكتير نتعادل
DOooOdY: الاهلى بيتاثر اوووى بغياب ابو تريكه.... رأيك فى الموضوع ده؟
wa3d_ el 3oyoon :
حقيقه فعلا وده عيب كبير من وجه نظرى مافيش فريق كبير يتأثر كل التأثير ده لغياب لاعب واحد
وفى نفس الوقت بيظهر قد ايه الاعب ده مهم جدا

DOooOdY:ايه رأيك فى مستوى حرس الحدود؟

wa3d_el 3oyoon:مش وحش بس مش كويس باين حتى فى نتائجه الدورى ده

DOooOdY :افضل لاعب فى الاهلى وفى حرس الحدود ؟

wa3d_el 3oyoon : فى الاهلى محمد بركات كان نحله ومستواه رائع وفى حرس الحدود وائل رياض

DOooOdY: ومين اسوا لاعب فى المباراه؟

wa3d_el 3oyoon:أسوا لاعب فى المباره عمااااااااااااااااااااااااااااد النحااااااااااااااااس لانه
السبب فى معظم ألأهداف اللى دخلت فى الاهلى من يوم ماتش الترجى لغايه الهدف بتاع النهارده

DOooOdY: افضل هدف فى ال 3 اهداف اللى شفناها النهارده؟
wa3d_el 3oyoon: هدف بركات وهدف شيتوس حلوين أوى لكن هدف بركات أحسن شويه
DOooOdY: تعليقك على الحكم محمد عوده ؟ ورأيك فى ضربه الجزاء التى لم تحتسب للاهلى؟

wa3d_ el 3oyoon :
الحكم ده كويس أنا بحترمه لكنه فى الماتش ده خرج عن شعوره وعمل كام قرار مش صح بس يعدى يعنى أحسن من غيره كتير
أما ضربه الجزاء الصراحه انا شايف ان فيها شك كبير لأن الكوره كانت بعيده عن عماد متعب ومش مستفيد منها هى صعبه بجد التقدير فيها مش سهل
DOooOdY: توقعك لماتش الاهلى واسيك ؟ ورساله توجهها للجمهور
wa3d_el 3oyoon: أتمنى ان الاهلى يعمل فيه صحوه تخليه يكمل الفتره الجايه وانا واثق من لاعيبه الاهلى دى لاعيبه ماتعودتش على الهزيمه والخروج المبكر وأتمنى ان استاد القاهره يبقى زى نهائى بطوله افرقيا وصوت الجماهير تخلى الاستاد يترج

DOooOdY: ان شاء الله

فى نهايه حلقتنا بنشكر ناقدنا الكبير وعد العيون

واستنونا فى حلقه جديده من استوديو الاهلاويه

وتصبحوا على خير

DOooOdY

استديو الاهلويه ....الحلقه الاولى

أهلا بيكم أعزائى المدونين والغير مدونين من جميع انحاء مصر

الاستديو من اسمه سيتابع مباريات النادى الاهلى بحياديه كامله وبدون تعصب وسيناقش سلبيات وايجابيات الفريق

الجديد فى البرنامج ان المزيع حيبقى الضيف المره الجايه والضيف حيكون المزيع المره اللى بعدها

سنبدأ اليوم الاستديو- استديو الاهلويه -بمباراه الاهلى وغزل المحله التى قامت مساء اليوم يوم السبت الساعه التاسعه مساءا من استاد القاهره واتهت بفوز الاهلى 3-2وأحرز الاهداف بالترتيب أحمد حسن (الغزل)ومحمد بركات(الاهلى )ثم رامى عادل بالخطأ فى مرماه (الغزل )ثم هدفين للمتألق أسامه حسنى (الاهلى )

سيكون بعد الفاصل معنا دودى فى تحليل المباره معكم وعد العيون

wa3d-el3yoon:أهلا بيكم فى الحلقه الاولى من استديو الاهلويه ومعانا النهارده الاهلويه الكبيره دودىأزيك يا دودى؟

DOooOdY:انا تمام الحمد لله

DOooOdY:اهلا بكل الاهلاويه ومبروك ليهم الفوز النهارده

wa3d-el3yoon:شفت ماتش النهارده ؟ رأيك فى مستوى الماتش بصفه عامه ؟

DOooOdY:اه طبعا شفت الماتش اما رأيى فى المستوى الماتش فى المجمل كان متوسط الشوط الاول الاهلى مستواه مكنش حلو الشوط التانى بقى فيه تحسن نسبى والاداء اتحسن بس بردو موصلش لمستوى الاهلى المعروف

wa3d-el3yoon:مظبوط فعلا طب رأيك فى مستوى الفريقين كل فريق لوحده؟

DOooOdY:الاهلى مستواه لسه متذبذب يعنى موصلش للفورمه العاليه اللى معروفه عن الاهلىولكن فى تحسن نسبى فى ماتش المحله ده عن الماتشات السابقه

DOooOdY:فريق الغزل ادى ماتش كويش كده ويملك مجموعه من اللاعبين الجيدين جدااااا زى احمد حسن ومحسم هنداوى

wa3d-el3yoon:فعلا الغزل يمتلك لاعبين محترمين مستواهم كويس ممكن بيهم يعمل مركز كويس الموسم ده
توفقى جوزيه فى انه قال الاهلى من شهر كان احسن فريق فى العالم فى التصنيف الدولى وأن الفريق مش فى انحدار ولا حاجه؟

DOooOdY:لا انا مش موافقه جوزيه خالص لان مستوى الاهلى فى هبوط من فتره ممكن نقول من ساعه ماتش بنفيكا لكن المكسب كان بيغطى على الاداء

DOooOdY:وفعلا الاهلى مستواه مش كويس خالص الفتره دى

wa3d-el3yoon:أذا انت عايزه الفريق فى اداء عالى ومكسب فى نفس الوقت زى زمان

DOooOdY:طبعا اكيد كل اهلاوى يتمنى كده ان الاداء يكون جميل وان المكسب يتحقق

wa3d-el3yoon:طيب أنت ترشحى مين لأحسن لاعب فى الاهلى وغزل لمحله؟؟

DOooOdY:محمد بركات بلا منازع كان افضل لاعبى الاهلى ومن المحله اختار محسن هنداوى من اللاعبين المميزين

wa3d-el3yoon:طيب وأسؤ لاعب فى الاهلى؟

DOooOdY:فى الاهلى رامى عادل لان احرز هدف فى مرماه عن طريق الخطأ

wa3d-el3yoon:لو أنت مكان جوزيه كنت تنزلى مين بعد أول جون فى الاهلى؟

DOooOdY:طبعا الاهلى كان لازم يهاجم وانا كنت هانزل اسامه حسنى واطلع حد من لاعبى خط الوسط

wa3d-el3yoon:رأيك فى معتز اينو الوافد الجديد؟؟ومين الاعب اللى تتمنى الاهلى يجيبه من نادى الغزل؟

DOooOdY:اينو لاعب جيد ولكنه يحتاج لانسجام مع الفريق ومباريات اكتر حتى يثبت مهاراته واتمنى من الاهلى ضم كلا من احمد حسن ومحسن هنداوى من لاعبى الغزل
wa3d-el3yoon:فى نهايه الحلقه تتمنى ايه من النادى الاهلى الفتره الجايه؟؟؟

DOooOdY:اتمنى ان ربنا يوفق اللاعيبه ويقدموا عرض كويس فى ماتش حرس الحدود وان ربنا يكرمنا ونكسب ماتش اسيك واتمنى من الجماهير الاهلاويه انها تساند الفريق فى الفتره اللى جايه وخاصه ماتش اسيك

wa3d-el3yoon : خلصت اول حلقاتنا من استاد الاهلاويه واستنونا فى حلقات جديده وتحليل جديد لمباريبات الاهلى

100el-ahly

أحترت فعلا أكتب أيه عن النادى ده أكتب عن الاعبين ولا الجهاز الفنى ولا الاداره ولا العمال اللى فى النادى ولا عن سمعه النادى ولا عن تاريخ النادى ولا عن البطولات ولا عن عظماءالكره المصريه ابناء النادى الاهلى ولا .... ولا.....

فكرت كتير لاقيت ان أنا اللى مش حتكلم خلى الصور والصحافه تقول رأيها

هنا من استاد 100el-ahlyنحيكم ونقدم لكم ضربه البدايه

هنا مافيش مقصوره ولا درجه تالته هنا كله زى بعضه

النادى ده أسطوره من اساطير الكره فى العالم

الفرقه دى عاملت انجاز عالمى بكل المقاييسربنا يحميك ويعليك أعلى الاماكن بحب الناس ليك

جوزيه لا يعرف الفشل ولا يحبه وأحنا كمان
عماد متعب نجم يستحق التقدير ولسه فى احسن عنده هو ده اللى مخلينا نحبك الاهلى الثالث بس عشان مستوى الكره المصريه مأثر فيه
القرب من الله مفتاح لكل حاجه فى الدنيا رفعول رايه الاسلام فى اليابان
نورت فى اليابان واستاد القاهره واستادات أفرقيا كلها



أنساك لا ياحبيبى أنا مش حنساك



أنت نجم ومت نجم واحنا عمرنا ماحننساك

الجمهور الاعب رقم واحد

wa3d_el3yoon