انتهت القمه رقم 100 بفوز النادى الاهلى بنتيجه واحد-صفر..ليصبح الاهلى ميه ميه ف المئويه ولكن سأعود للوراء قليلا الى ما قبل القمه حيث شكك الكثيرون فى اداء الاهلى واتجه البعض الى سحب الثقه فى لاعبى الفريق....وخرج علينا لاعبى الزمالك القدامى ف البرامج التليفزيونيه بتوقعات ورديه..والدليل برنامج ك\خالد الغندور..حيث توقع محمد صبرى ومدحت عبد الهادى وبكل ثقه فوز الزمالك 2-0 هذا اذا لما يحدث سكور على رأى الكباتن...وصدقونى حينما اقول انهم توقعوها بلهجه ساخره
جمهور الاهلى وقف حائرا بين ثقة الزمالكاويه الزائده وبين خوفهم من اداء الفريق ف الفتره الاخيره...وبدأت المباراه وجاء رد لاعبينا على كل الناس...اهلاويا او زمالكاويا....انتهت المباراه باداء رائع للاهلى واداء جيد للزمالك...بعد المباراه...وهنا وقفه....جاءت التصريحات والاحاديث..وكانت لى هذه الملاحظات
تحدث الكابتن حسام البدرى عن كثير من الامور الفنيه ومنها عدم اشراك اينو خوفا من جماهير الزمالك..وقال حسام البدرى بالنص للمذيع...وزى ما انت شايف جمهور الزمالك بقاله تلت ساعه بيشتم فى اينو زى ما توقعنا قبل المباراه
تحدث كابتن علاء ميهوب عن ثقة الجهاز الفنى ف الفوز واستغرابه من موقف الجمهور الاهلاوى قبل المباراه من حيث تخوفاته وفقدانه الثقه..مع انه الثقه لم تهتز ابدا من داخل الجهاز واللاعبين
تحدث اللواء رؤوف جاسر نائب الزمالك السابق عن المباره قائلا....ح اقول ايه...الجون اوف سايد...مش فاهم انا حكام اجانب ايه دول؟...واخذ يبدى سخطه على امة لا اله الا الله....وهنا تذكرت تصريحات مسؤلى الاهلى والتى دائما ما تتسم بالعقلانيه والجنتله...مسؤول كبير لابد وان يمسك لسانه لانه اذا تبين خطأه وتسرعه..كانت النتيجه سيئه...اوليس هناك نهايه لمسلسل تلك التصريحات منذ قديم الازل؟؟
تحدث جوزيه وكلنا شاهدنا وقرأنا ما قاله....ولكن اريد ان اضيف بعدما رأيت خطته وتكتيكه اثناء المباراه...جوزيه انت صح
اخيرا لم يرفع حسام حسن الحذاء الا وهو ف الزمالك...وفعلها شيكابالا...ولم يفعلها متعب فى مباريات كثيره ومنها مباراة موريتانيا وهو مباراه وطنيه...حيث كان يقف ورائه ف المدرجات حزب يتولى سبه بكل حماسه..وكذلك فى مباريات قمه وف الاسماعيليه...ولم يفعلها الحضرى وكذلك لاعبون كثيرون ف الاهلى
فى النهايه حاولت بقدر الامكان ان اوضح بعض النقاط التى احسست انها لابد ان تناقش....بمقارنه بسيطه وتركت المقارنه الكامله اليكم
Subscribe to:
Post Comments (Atom)
5 comments:
حلو اوى الكلام
بس متنكرش انك فى لحظة خفت اننا كاهلاوية ممكن منكسبش الماتش
و بعدين ع طول الزملكاوية لما يدخل جون فيهم
يقولولك دة كان اوفسايت
مفيش حجة جديدة خلصت الحجج من عندهم
اما شيكابالا
انا لا تعليق
لان دة مش اخلاق لاعب ذو مهارة عالية ابدا
يعنى مش عارف اقولك ايه
فعلا صدق اللى قال الزمالك بيعمل معسكرات وتدريبات عشان يكسب الاهلى لكن الاهلى ممكن يخسر من الزمالك بمزاجه عشان مش فارقه معاه المهم البطوله
لاعبى الزمالك العبين مغرورين بطبيعه ناديهم عشان كسبوا ماتشين افتكروا انهم بقوا زى الاهلى
مليون مبرووووووك ليكو ولكل الاهلوية فى شتى بقاع الارض:ي
وعقبال باذن الله ما اهنيكم كده بفوز الاهلى ان شاء الله يوم الاحد الجاى بعد ما يلعب مع الاتحاد الليبى
وبجد انا على الرغم من انى كنت خايفة قبل الماتش انا عمرى ما ثقتى اتهزت فيهم
تحياتى
نورررررررررت البلوج يا احمد باشا باول بوست
اولا مبروووووووووووووووووووووك للاهلاويه الفوز التقليدى على الزمالك
اما بالنسبه للمقارنه بين تصريحات اعضاء مجلس اداره الاهلى وبين مجلس الزمالك فمفيش مقارنه اصلا يا دكتور
اما عن تصرف شيكابوم
فمعنديش غير كلمه واحده
هى دى الروح الرياضيه يا كابتن اللى بتتعلمها فى الزمالك
ولا تعليق تانى
ومليون مبروووووووووووووووك تانى يا اهلاويه
أدعوكم لإبداء الرأي في فوازير رمضان الشعريه(خلق وصحابي)للشاعر وليد الرفشي
ولا تنسوا
1-المشاركه
2-إبداء الرأي
3-مقترحات
Post a Comment